李蘊上台支持劉謙
歌手李蘊（Renee）昨日到旺角出席校園活動時眼腫腫，問到是否哭過？她笑說：「尋晚夜瞓啫！（微博話唔開心係講緊緋聞男友劉謙？）唔係！近排真係好多嘢發生，我同佢不嬲都係好朋友，唔講佢喇！費事話博宣傳，我哋不嬲好低調。（佢有冇睇你本寫真？）支持我嘅朋友都會買，呢幾日我哋有聯絡。（話你靚咗？）你過幾日《紅白》問佢，到時我會喺台上支持佢。」對於被傳整容，Renee笑笑口否認：「覺得以前靚過依家！依家肥咗有包包面，識我嘅觀眾會知我冇整過！我覺得相由心生，唔會刻意整。」她堅稱純天然無添加，希望傳媒不要炒作。
