何韻詩冇再嬲祖兒唔得閒見

自「龍兒戀」曝光後，有傳被指是輸家的何韻詩嬲爆「龍兒」，但阿詩前晚澄清從未嬲過祖兒！而曾揚言「友情不變」的祖兒，昨日卻暗示不會捧對方場。

明日展開一連兩場個唱的何韻詩，前晚綵排時刻意扯開有關「龍兒」的話題，有記者指想看三位主角合照，她即扁嘴兼大叫救命。不過，問到有否嬲祖兒？阿詩即堅定地說：「冇！（嬲劉浩龍？）都知你會問，唔答喇！所有人都係我朋友。」她又表示與祖兒沒有事要化解。

拒刻意闢謠

至於祖兒昨日出席英皇電影《DIVA華麗之後》宣傳活動時被問到阿詩揚言沒有嬲？她只說：「你哋得到答案咪得囉！（捧阿詩場？）好忙！要綵排，應付工作先。」並指不想每日回應相關問題。問到會否搞活動讓三人闢謠？祖兒說：「即使有，大家都唔會見到，因為我唔會發相。（上載到微博？）唔使！唔想太刻意。」

此外，將出席《2012翡翠歌星紅白鬥》的祖兒前晚為節目綵排，擔任隊長的她透露屆時會與男子組隊長古巨基鬥嘴，擔心對方搞爛Gag，問到會否擔心對方擺戀情上枱？祖兒說：「唔會放過佢！佢都有好多痛腳喺我手！」她還指已傳短訊慰問日前旅行受傷的好友鄭希怡，並叮囑她要乖及愛錫自己，好好休養。