周迅下半年「停工」
周迅和楊紫瓊於巴黎時間7月3日分別在當地睇騷。應邀欣賞Chanel 2012-2013秋冬高級訂造服時裝騷的周迅表示，睇騷後便趕返內地宣傳新片，此行不會去購物。她又透露暫時不會拍電影：「因為上半年拍了好多電影，打算在下半年休息，但未有大計去旅行。」
楊紫瓊則與未婚夫Jean Todt拍拖欣賞Giorgio Armani Prive 2012-2013秋冬高級訂造服時裝騷，兩人全程十指緊扣，表現恩愛。她表示剛在泰國拍畢電影：「我嚟緊會放假，過咗個Summer先再睇劇本，放假先陪吓男友同屋企人。（有婚期未？）依家都好開心，所以結唔結婚都冇所謂。」
周迅睇騷後便急急趕返內地谷戲。
楊紫瓊與未婚夫Jean Todt拖手欣賞巴黎時裝騷，相當恩愛。