陳華鑫復活機會一半半
《2012香港小姐競選》14位候選佳麗及已被淘汰的陳華鑫及鍾麗，昨日在將軍澳電視城，為「旅遊大使獎」選舉進行抽籤。
對於傳獲高層欽點復活，陳華鑫說：「我唔識高層，只係識評委，私下冇見面來往。我覺得自己復活機會一半半，要睇評判意向。（叫家人幫手投票造勢？）我連朋友都冇講，我唔擔心被人傳（被欽點），大家有眼睇，但如果我入圍再被叮，成為『三叮佳麗』，真係名留青史。」
鍾麗則說：「我平常心，之前被Foul過，已冇特別感覺。（慾照令你復活機會微？）評委冇問，我亦冇特別解釋，件事冇影響我心情，陳華鑫復活機會大過我都好o架！啲相對我真係有負面影響！」
此外，陳家揚則表示王晶與陳百祥會參與：「王晶及陳百祥基本上答允咗做一Part，形式度緊，等佢兩兄弟傾掂佢。」
陳華鑫（左）與鍾麗對於能否復活各有看法。
李渼琦（左起）、卞曉帆、譚曉榆及尤蔭蔭均狀態十足。