陳奕迅拜倒「少時」裙下

韓國組合少女時代（少時）前晚到澳門演出，期間因音響事故，一首歌竟唱足3次，而陳奕迅亦化身小粉絲到場支持。

韓國組合「少時」前晚率領SHINee、U-Kiss及B.A.P演出假澳門金光綜藝館舉行的《K-POP Nation Concert》，陳奕迅（Eason）亦有入場睇騷，可惜入座率只得約六成。近2小時的表演由DJ打碟間場，首隊演出的是U-Kiss，隨後B.A.P以勁度十足的舞步出場，又大晒廣東話「我哋嚟咗喇」及「好開心呀」與樂迷互動。

1首歌唱3次

SHINee因成員珉豪拍劇缺席，登場的四子亦只獻唱了新歌《Sherlock》等3首歌曲，有別於其餘組合唱足5首，令不少粉絲失望！人氣最勁的「少時」以白色短褲配長靴壓軸出場，大騷招牌美腿，Eason亦變成粉絲舉機狂影。

「少時」載歌載舞，惟唱至第三首歌《Hoot》時，音響突然發生事故而中斷表演，見慣大場面的九女即說是「驚喜」以打圓場。音樂其後重新播放，但又於歌曲初段突然停止，九女再執生說：「呢個係畀大家嘅禮物！」成員Tiffany亦以英語說：「我哋首次嚟澳門表演，想留喺舞台耐啲！」擾攘一番後，九女欲返回後台，音樂卻在此時重新播放，她們只好急急歸位表演，據知成員Yoon A強忍關節痛演出。

而「少時」為紀念成軍5年，將於下月發行郵票，亦是韓國郵政局首次與藝人合作出郵票。另外，據知SHINee本獲邀參與本月7日舉行的《2012翡翠歌星紅白鬥》，有機會跟陳偉霆、HotCha及裕美等鬥舞，可惜他們最後因檔期問題而無緣參演。