吳千語儲錢買Dream Car
受黃百鳴力捧的影壇新貴吳千語（Karena），最近踩入化妝界，以6位數字酬勞、首次擔任化妝品牌代言人，日前她以十多款造型拍足10小時宣傳照，她表示要將酬勞成立買車基金買Dream Car！對於6位數字酬勞，她坦言相當滿意︰「我會儲起啲錢，因為一直想學車，可以儲嚟買架靚車送畀自己！」
Karena表示造型上有突破，皆因妝容既成熟又冶艷，差點認不出自己。問到會否化冶艷妝識男友？她笑說︰「我好鍾意個妝，可以試吓咁樣化妝出街！」她自爆小時候非常貪靚，幾歲時已拿母親的唇膏在面上亂畫。
