祖兒聞閃婚鬧黐線
容祖兒昨日出席活動時心情甚靚，但未有戴上昔日的情侶鏈，問到「龍兒戀」進展？她以「唔回應」作答，但承諾會找何韻詩。對於被網民封為「賤男」的劉浩龍再遭炮轟，祖兒扁嘴說：「對我好唔公平，搞到我好似好蠢咁！希望有日得到祝福。（搞到咁好可憐？）係咁o架啦！人工包埋！」至於譚詠麟（阿倫）上載與她的合照，並留言大讚她，祖兒說：「咁咪好囉！（叫佢日後小心講嘢？）我冇咁嘅資格！」對於阿詩笑言會孤獨終老，祖兒說：「我都好難講！（閃婚？）黐線！唔係拉斯維加斯先得咩？」
至於同場的黃耀明則表示願做阿詩及祖兒的橋樑：「誤會一定解決到，睇吓係咪真心好朋友！」另一邊廂，傅穎昨日出席另一活動時表示，有留意「龍兒戀」，但暫時不會刻意搵阿詩：「希望大家畀啲空間當事人！」
祖兒除下昔日的情侶鏈，心情甚靚。