Wyman：望三個都快樂
被指「撮合」好友容祖兒及劉浩龍拍拖的潮人黃偉文（Wyman），日前飛抵巴黎睇騷，問到「龍兒戀」時，他說：「我唔知點解會咁傳！我之前真係唔知佢哋拍拖！（你一早喺微博指佢哋係2012年緋聞男女？）如果我知佢哋拍拖，你估我會唔會出賣朋友，將佢哋嘅合照放上微博？嗰晚佢兩個食飯畀人跟，祖兒叫我出嚟做掩護！（嗰時佢哋拍拖？）我諗未正式係！我都係報紙出嗰日前先知，祖兒凌晨兩點幾打畀我！（點睇佢哋拍拖？）希望三個都快樂幸福，感情冇得幫！（浩龍單方面宣布？）算啦！」他坦言未能與阿詩聯絡上。
