祖兒趕返閨煲湯 呼應阿詩「食咗飯未」

容祖兒與劉浩龍爆出「龍兒戀」轟動全城，何韻詩前日以「食咗飯未」回應，昨日從上海返港的祖兒則表示「屋企煲咗湯」，二人不約而同以「湯飯論」回應，依然心有靈犀！

祖兒昨日穿上橙色外套返港，與阿詩前日公開亮相的外套同色，由於打風關係，航班延誤遲足兩小時，木無表情的祖兒全程與兩助手急急腳行，問到現時與阿詩的關係？祖兒說：「冇咩嘢講，Sorry！（心情好啲？）多謝關心。」對於有指劉浩龍（師兄）借她宣傳？祖兒說：「多謝你。」提到阿詩未有祝福，祖兒說：「屋企煲咗湯，要返去睇火！」由於阿詩前晚被問到與「龍兒」關係時以「食咗飯未」回應，似乎她們默契未變，不約而同以「湯飯論」避談，祖兒臨上車前還禮貌地說：「多謝晒！」

借美作家表心聲

阿詩昨日凌晨在微博留言感謝大家體諒，昨午再度發表美國作家Elbert Hubbard名句：「He who does not understand your silence,will probably not understand your words.（如果佢唔明白你嘅沉默，就算你講嘢佢都唔會明白）」另外，她去年底在電台訪問中大談愛情觀，表示長大後不再信天長地久：「有人提到阿邊個拍咗十幾年拖都分手，浪費晒啲時間，但我唔會咁諗，因為路係一直向前行，中途有人陪伴冇話嘥，攞啲經驗去下一次！」另外，歌手盧凱彤在微博留言宣傳台灣音樂會，阿詩與緋聞女友鄧九雲均留言力撐。

阿嬌感關心擔心

至於鍾欣桐（阿嬌）昨日出席活動時透露，近日與祖兒有傳短訊，問到是否恭喜好友搵到另一半？阿嬌說：「我係擔心同關心佢，唔問呢啲嘢，咩事都會支持佢！」