王璐瑤發晦氣：依家唔識余文樂
性感女星王璐瑤（LuLu）、張暖雅（Angelina）和許穎（Phoebe）等昨日出席時裝騷。早前LuLu自爆與余文樂互發情慾短訊，但事後樂仔強調從不認識她，LuLu昨日發晦氣說：「我之前係識佢（余文樂），但人哋都話唔識我，咁我依家咪唔識佢囉！之前我情緒受困擾要旅行散心，希望之後可以專心拍寫真外景！」她更暗寸Phoebe：「我嘅寫真唔會露毛露點，唔會好似拍AV咁！」Phoebe即為自己及師妹Cassie反擊：「好多外國雜誌、廣告都會全裸拍啦！（佢見識少？）唔夠囉！王璐瑤邊個嚟o架？（同余文樂發情慾短訊嗰個！）哦！余文樂我就識！王璐瑤就唔識！」
王璐瑤踩Phoebe的寫真集似AV。
擁34D上圍的Angelina大騷事業線搶鏡。
Phoebe寸王璐瑤見識少。