Monna玩SM胸殺Iris

「百果園咪神」陳靜（DaDa）兩位師妹鍾采羲（Iris）及林宜芝（Monna）今年書展分別推出個人寫真，兩人屢傳不和，繼罵戰後再引爆寫真戰。Iris穿多套性感內衣褲搔首弄姿，Monna索性「脫光」，只以紅絲帶綑身，SM味濃！

成功轉型的陳靜（DaDa）早已高調宣布停出寫真，露肉慰宅男的重任交託同門六名師妹「爆E超蓮」鍾采羲（Iris）、「混血E神」林宜芝（Monna）、郭穎兒（Celia K.）、曾善美（Mei Mei）、來自內地的小櫻及Moka。

整甜品Vs送波餅

同屬E神級的Iris及Monna更鬥到出晒面，早前Iris因不忿被Monna挑撥她跟賭王千金何超盈的友情，直斥Monna擅於借刀殺人！有指兩人「零交流」，最近更視對方為寫真勁敵。Iris在寫真中穿上多套性感內衣典床典席，但仍不及Monna剝到一鋪清袋，只用紅色絲帶綑綁全身，異常重SM味！

兩人揚言沒有申請入書展搞簽名會，惟有各自諗計求勝！Monna打算租用商廈的大廚房與粉絲玩「模廚房」，親自秘製甜品餵粉絲；而有錢女Iris打算在淺水灣舉行沙灘派對，與粉絲玩「模打排球」送波餅！經理人施念慈（Celia）表示會為其餘四位模在商場搞簽名會。

DaDa對於師妹內訌，坦言冇眼睇：「浪費啲時間鬧嚟鬧去，不如用嚟做其他嘢仲好啦！希望佢哋下年唔使再影寫真，學我咁出書咪幾好，同埋轉型拍吓戲，唔通成世淨係影寫真咩！」