突然變成陳山聰與樂易玲「傳話人」的郭政鴻，先後兩次在公開場合碰上樂易玲，均被問及好友陳山聰的近況，包括叫對方返無綫開工及催促結婚生仔。鴻仔昨日在電話中表示，樂易玲只是一種問候說話，並自言不是兩人的傳話人：「山聰同公司仲有約，樂小姐如果要搵佢，點會搵唔到呀？可能平時佢兩個講電話唔多，見到我咪問候佢囉！冇乜特別！（知唔知山聰同超雲好事近？）呢啲最好問番當事人，佢冇問我攞期（去飲）喎！」
郭政鴻（左）與陳山聰老友鬼鬼，樂易玲曾借此「線索」打聽消息。
