陳山聰暗寸樂易玲：佢Sell自己

賭王千金何超雲與陳山聰愛得甜蜜，據悉他與無綫合約無限期凍結，但無綫高層樂易玲日前一句指他「無心戀戰」，觸動了山聰神經，隨即在微博暗寸對方只顧Sell自己！　

近日傳出「好事近」的陳山聰與女友何超雲，拍拖至今無比恩愛，縱使「山雲戀」惹來不少閒言閒語，但無損戀情。最近有傳山聰約滿無綫兼不打算續約，據知停工大半年的山聰與無綫仍未約滿，只是將合約暫時凍結，至今仍然有效。

不過，無綫製作資源部總監樂易玲前日證實山聰一直請假，並指他無限期請假不存在問題：「眾所周知，佢無心拍戲，亦無心戀戰！」據悉樂小姐的「無心論」一出，觸動了山聰神經，他昨日看畢有關報道後便在微博留言，句句有骨，並似是衝着樂易玲而說：「究竟一個高層嘅主要工作係Sell自己，定係Sell旗下Product（產品）呢？」火藥味甚濃！

狹路相逢 拒踩場贈興

樂易玲昨日出席港姐活動，對於山聰的微博留言，她表示不明白是甚麼意思：「山聰已經請咗假同埋通知咗暫時唔會拍嘢，佢想搞生意，我覺得冇問題，因為佢冇欠騷！如果有監製搵佢拍嘢，先再同佢傾，佢大半年冇拍劇。」她表示早前從山聰好友郭政鴻口中得知對方近況：「如果佢（指山聰）取消合約，要從商搞生意，大家傾吓囉！（你搵唔到山聰？）搵到。」

記者昨日致電山聰求證，問到所指的「高層」是否指樂易玲，他以短訊回覆：「點會呢？我明白佢嘅，我包容佢嘅着緊同關懷。（明白佢乜嘢？）明白佢着緊，身為後輩都會包容同體諒，多謝佢咁多年照顧。」正所謂「不是冤家不聚頭」，樂易玲昨晚在銅鑼灣舉行生日會，山聰則與超雲及朋友在對面飯敍。山聰與超雲大方受訪但拒踩場贈興：「樂小姐喺對面慶祝生日咩？你哋（指記者）幫我恭喜佢！」當被慫恿往賀壽時，他即扁扁嘴兼聳聳肩後便掉頭走，並笑說：「打風啦！仲唔走！我嗌人送支酒過去囉！」但該夥計事後表示送酒給老闆。