愛瑪染狗毛被轟虐畜

《哈利波特》（Harry Potter）系列女星「妙麗」愛瑪沃森（Emma Watson）貪得意將狗女Darcy染成粉紅色，被批評虐待動物，將寵物視為玩物！

愛瑪日前在倫敦一間寵物美容店花費90英鎊（約1,100港元）為其飼養的1歲比熊犬Darcy染毛，將牠全身變成粉紅色。愛瑪拖狗行街時被狗仔隊拍下，照片於網上曝光，惹來大肆批評，網友認為愛瑪虐待動物，感到非常憤怒！

染過翻尋味

寵物美容店老闆受訪時表示，愛瑪曾兩次為Darcy染毛，強調由植物煉製的染色物料對動物絕對無害：「先將狗仔整濕，再將染料好似洗頭水咁搽上去，5分鐘後沖水，因為Darcy原本白色，好易上色。佢好冷靜，非常可愛，都鍾意扮靚靚！」不過電視寵物專家Emma Milne持反對意見：「小狗唔係玩具，唔係毛公仔，就算化學品安全，都會改變佢嘅外觀同氣味，影響佢同其他動物嘅互動。」

另外，女歌手Cheryl Cole在Twitter上載新曲《A Million Lights in Los Angeles》MV幕後花絮，見到兩隻小狗前來探班，她便與牠們親嘴。Cheryl指忙碌工作後玩狗好過食飯。