周秀娜一拖七歐國妹 apm玩‧波‧女

嘩嘩嘩！娜姐帶埋七位索模夜麻麻出動？仲陪你迎接歐國盃王者戰，唔係發夢，真係堅o架！「我和女神終極決賽約會@apm」將於7月2日凌晨喺觀塘apm舉行呢個睇波Show，有靚女、有好波、仲有遊戲玩，一次滿足晒咁多願望，正呀！

踩落商場睇波熱鬧又有氣氛，勝在人氣夠，一班人「We We」嘩嘩一齊拍手一齊噓，真係好鬼過癮㗎！今次「我和女神終極決賽約會@apm」更加吸引大家眼球，因為有周秀娜同七位「歐國妹」陪埋你，開波前同現場球迷玩遊戲，近距離同「女神」接觸，諗起都心跳加速！

口才、急才都咁勁嘅林曉峰仲會擔任大會司儀，加埋MC Jin同你大唱Rap歌，靚女歌星Sita陳僖儀大展歌喉，實在太……夢幻喇！

入場券回饋波友

早前《東方日報》及《太陽報》搞咗個全城起哄嘅「歐國妹Polling」投票活動，我哋將會「醒」番啲「我和女神終極決賽約會@apm」嘅入場券畀部分參加者，梗係啦！呢班Fans咁識貨，透過「歐國波Something」App為班索模打氣，咁落力當然要回饋大家，等你哋可以現場望真啲班索模有幾索、有幾青春無敵啦！唔使問，娜姐都會出埋嚟一齊全接觸。

最後提提大家，如果仲未Download「歐國波Something」App，記得喺iPhone或者Android下載呢個App，裏面有波又有靚女睇，好新奇o架！

我和女神終極決賽約會@apm

舉行日期：2012年7月2日（星期一）凌晨1時30分開Show

地點：觀塘apm

司儀：林曉峰

出席嘉賓：周秀娜、七位歐國妹、MC Jin及Sita陳僖儀