萬綺雯昨日為東華三院義務工作活動宣傳，她表示平日會到社區中心做義工，幫助有需要的人。即將為無綫開工的她對此感到緊張，但不擔心畀人恰：「次次返去都開心，邊個會恰我？大家錫我都嚟唔切，個個對我都好好。」作為電視城新手的她，仍未摸熟「地頭」：「工作人員都好好心，每次有地方去都問我識唔識路，唔識嘅話仲會親自帶我去！」她表示會做好本分。而早她一步入無綫的陳煒早前傳被恰，萬綺雯即指陳煒已經澄清：「做好自己嘢，我唔擔心。」
萬綺雯透露平日會做義工，幫助有需要的人。
