葉蒨文催剛晶生BB

歌手葉蒨文（Sally）昨日出席步行籌款活動撐好友朱玲玲，同行還有移居美國多年的前港姐林穎嫺。Sally表示為迎接九月的演唱會，最近積極做運動Keep Fit。提到朱玲玲的兒子霍啟剛將與郭晶晶結婚，Sally坦言仍未收到喜帖：「我由細睇到佢（啟剛）大，又一齊去過夏威夷旅行，聽到佢結婚嘅消息都嚇咗一跳。（你送乜禮物畀佢哋？）我都唔知送乜好，惟有唱歌。」她又大讚啟剛乖仔、晶晶斯文，兩人非常合襯兼甜蜜，並笑說：「我想佢哋快啲生BB，最好BB似啟剛細個咁眼仔睩睩。」

至於林穎嫺則帶同三名小朋友出現，她透露將出書分享育兒心得，希望幫到新紮父母。

林穎嫺昨日帶同三名小朋友，出席步行籌款活動。