Elke@冬甩貓糧餵「榴槤」
女子組合冬甩成員陳芷敏（Elke）最愛「榴槤」！原來Elke養了一隻刺蝟，並取名為「榴槤」：「我養咗『榴槤』3、4個月，佢好細膽，佢啱啱嚟我屋企嗰幾日，成日都將個身蜷埋，好似海膽、榴槤咁，真係好得意！」講起與「榴槤」的趣事，她滔滔不絕：「刺蝟嘅嗅覺好靈敏，第一次幫『榴槤』沖完涼香噴噴，點知佢唔習慣沖涼液嘅香味，就即刻跑去廁所用自己嘅便便抹身！」她表示刺蝟食麥皮蟲及乾糧，但因為她很怕蟲，所以只會餵牠食乾糧。由於香港很少人養刺蝟，故很難買到刺蝟糧，惟有餵貓糧。問到鍾情「榴槤」甚麼？她說：「我嘅性格都好似刺蝟！雖然佢外表好似攻擊性好強，但佢只係想保護自己！」
「榴槤」生得可愛，加上動作多多，自然冧掂Elke。
雖然獲主人Elke捧起，但「榴槤」頻頻避鏡頭呢！