斥宮雪花講大話無綫擬採法律行動

歷屆亞姐、宮雪花、呂良偉、徐小鳳及馮寶寶母子等昨日在北京出席亞視台慶，筱靖、馮雪冰及許瑩等性感赴會，可惜不及「老薑派」魏秋樺、黎虹讌等齊騷「警鐘胸」搶鏡！

宮雪花早前接受訪問時稱，當年無綫透過中間人白韻琹以一百萬元叫她在亞姐決賽玩失蹤。無綫外事部副總監曾醒明直斥傳聞匪夷所思，並懷疑消息真確性，由於事態嚴重，無綫不排除採取進一步法律行動。而中間人亦力指宮雪花大話連篇：「當年係方逸華旗下嘅電影公司想搵佢拍戲，一份合約一百萬，由於其中一套趕住開，咁啱撞正亞姐選舉，接咗就參加唔到。不過，佢因為好早簽咗亞視，所以冇簽到。（無綫話告佢？）我即刻企出嚟做證人！」對此，宮雪花說：「當年係TVB高層透過一間律師行畀支票我叫我退選，而中間人亦搵我拍電影，我冇講過中間人係邊個，如果有咩誤會，可能係我對中間人嘅說話理解有誤差。（無綫可能告你？）真係有咁嘅事？佢哋要告隨便啦，咁大個台有乜好告？」

亞視台慶「瘀嘢」照播

另外，歌唱環節播了多個經典鏡頭，包括「衰咗」的片段，當中有高層盛品儒為亞視誤報江澤民死訊而鞠躬道歉的畫面。