陳嘉桓四腳蛇送飯泰驚嚇
陳嘉桓早前接受泰國旅遊局邀請推廣旅遊，遠赴當地拍攝的她乘機推出旅遊書，殺入書展。雖然甚為享受泰國遊，但她慨嘆未有艷遇，又笑言被當地的四腳蛇嚇餐飽。
書展即將來臨，除一班模晒身材出寫真外，陳嘉桓（Rose）今年亦分一杯羹，推出處女作品。上月她接受泰國旅遊局邀請，飛往當地拍攝旅遊特輯推廣旅遊，拍攝靚相出旅遊書，實行以另類「寫真」撼模！旅遊書以手記形式推出，由Rose介紹當地美食、購物熱點等，並有一星期泰國之旅的感受。
Rose回港後直言泰國之旅收穫豐富，又曬黑不少，很想再回當地浸Spa，不過她在當地食飯時遇上四腳蛇，未食已嚇餐飽︰「大家喺餐廳食飯時，天花突然有條四腳蛇從天而降，跌咗落張枱度，真係好核突！嚇到成枱女仔都即刻彈開晒。」
大呻零艷遇
她又慨嘆未有艷遇︰「喺當地雜誌見到一位藝人好靚仔，之後知道佢係混血兒，真係希望可以同佢見面！」
Rose歎Spa兼保養白滑長腿。
Rose接受泰式按摩，歎到閉上雙眼。
面對滿枱美食，Rose流晒口水大擦一頓。