歌手王梓軒昨日到電台宣傳8月舉行的處男演唱會，對於「未來外母」薛家燕（好姨）呷醋，指大女珊珊為他處理工作而忽略母親，他說：「我同珊珊真係好朋友關係，我都有打畀家燕姐，同佢講唔好意思，因為珊珊幫我搞演唱會令佢少咗時間陪媽咪，真係對唔住！（家燕姐讚你好男仔？）好安慰，相信佢冇嬲我。」他坦言若拍拖必會公開：「唔講對女朋友好唔公平。（追過珊珊？）冇開過口。（父母追問你嘅戀情？）有問，我答係好朋友，因為我係長子嫡孫，反而爺爺想我快啲成家立室。」
王梓軒表示拍拖必定公開。
