婷婷：哥哥係心目中英雄

謝霆鋒開設製作公司「PO朝霆」賺到盆滿缽滿，生意億億聲上落，問到謝賢（四哥）是否從小教導兒子投資之道？四哥謙虛地說：「係佢本事啫！我冇教佢，係佢自己創造出嚟，我都做啤酒生意失敗過，點教？」他又笑言可能是兒子吸取了他的失敗經驗而做得更好。問到有否教女兒謝婷婷投資？他說：「佢畀心機做嘢就得。女仔唔好投資啦！啲錢得閒用嚟買吓衫扮靚。（教婷婷儲錢買金或買樓保值？）佢會o架啦！」婷婷則說：「哥哥一直係我心目中嘅英雄，佢每一步都會諗得好清楚，所以佢一直係我榜樣，我為佢做嘅所有嘢而感到驕傲！」婷婷指母親狄波拉不時教路灌輸買磚頭才是保值，故她打算盡快加入業主行列！