霆鋒獲老闆贈1億靚舖

身家達6億元的影帝謝霆鋒，繼日前在北京開第三間PO朝霆製作公司後，更獲英皇老闆楊受成送上價值逾九千萬港元的擺花街舖王，作為獎勵霆鋒効力英皇15年的「安慰獎」！

近年密密買磚頭的謝霆鋒，既是PO朝霆創辦人，亦在中環擺花街擁有3間每間市值約4千萬元的旺舖，被英皇老闆楊受成封做「擺花街舖王」！日前又傳出霆鋒以9,130萬元購入擺花街28號閣樓連地下、合共約1,400平方呎的舖位，實情是楊受成送上的一份大禮，同時霆鋒日前在北京成立第三間PO朝霆分公司，可謂雙喜臨門！

800萬買埋天台

一向深得老闆楊受成寵愛的霆鋒，今次獲老闆闊綽送舖，恨死同門師兄妹，昨日他接受電話訪問時說：「間舖係楊生作為呢15年嚟我効力英皇嘅安慰獎，但因為個業權問題，我自己出咗800萬買埋大廈天台。」據知，霆鋒的新舖連同物業稅及厘印費等接近一億元！而霆鋒佔整幢大廈不可分割業權份數百分之二十，可免日後被強制拍賣的煩惱。黃國桐律師表示業主如擁有八成以上的不可分割業權份數，可向行政會議申請強制拍賣。

提到北京新公司，霆鋒指公司籌備近一年，並投資八位數字，最大特色是擁有萬呎3D試映院，而本月15日開張是由師傅揀定吉日時辰。雄心勃勃的他對新公司寄厚望：「北京係自己人地方，我覺得一定要進駐自己人嘅地方。上年我喺金像獎話過要為業界出一分力，我要講得出要做得到！」他又表示希望新公司向電影業發展：「今次北京公司目標係九成做電影，希望自己人地方開番間有質素公司幫自己人。（開公司又買舖，少咗時間陪囝囝？）我飛多啲都係為做嘢，你睇史匹堡都嚟中國，身為中國人嘅我梗係唔可以怠慢。我記得有位前輩曾經評我做戲似機械人，教我劇本係死、人係生，呢句話我成日記喺心，機械係死嘅，希望用呢啲技術將人發揮得最好。」

此外，近年不少藝人紛紛進駐中環買「磚頭」，古巨基本月以5,400萬元買入擺花街22號舖位，梁朝偉早於2008年以約2,880萬元購入威靈頓街73號地舖連閣樓。