王梓軒辣舞咀祐珊要問准家燕姐

王梓軒昨日舉行演唱會和首張國語專輯發布會，緋聞女友兼薛家燕大女石祐珊在場打點一切，似足「女主人」，王梓軒更坦言樂意與阿珊當眾上演辣身舞，咀嘴則要問准家燕姐！

歌手王梓軒（Jonathan）昨日雙喜臨門，宣布於8月10日及11日在會展舉行《王梓軒RISING演唱會2012》，以及推出首張國語專輯，除獲父母捧場，緋聞女友兼薛家燕大女石祐珊亦以經理人身份陪伴左右分享其喜悅。問到在個唱上會否與阿珊拖手獻唱？Jonathan笑說：「咁Old School！跳辣身舞唔得咩？（係咪同祐珊跳？）如果佢練得成，我冇所謂。（唔怕歌迷呷醋？）佢哋好鍾意阿珊o架，好朋友關係唔會出事嘅！」

個唱星級班底

他又解釋早前被拍得與阿珊抱抱，其實只是答謝她送上生日蛋糕：「擁抱喺外國好閒啫，外國咀嘴都係咁！（個唱跳辣身舞兼咀嘴？）嘩！問吓家燕姐先。」當得知家燕姐對他評價不錯後，他相當開心，更指合格已很滿足。Jonathan又大晒個唱的星級班底，由莫文蔚擔任製作顧問，趙增熹做音樂總監，還有莫文蔚的設計師好友Johanna Ho為他設計服飾，揚言兼備視聽之娛。