Rika貼面冧仔敷情侶Mask

自幼移民加拿大嘅索模Rika（王麗嘉），曾經喺多倫多選華裔小姐，當然知道扮靚秘訣啦！呢排歐洲國家盃，姊妹們如果晚晚睇波，一定要不停做Mask保濕同做Facial急救熊貓眼，Rika教路最好同男友一齊做添！等佢知你夠晒體貼，咁就自然加分，男友都會識做啦！

變身「骨妹」加分

Rika係中越混血兒，擁有越南女仔苗條輕盈嘅身形，喺拍攝跳高嘅鏡頭時，係眾「歐國妹」中跳得最高嘅一個，配合埋一雙修長美腿，絕對秒殺宅男！不過，靚都要付出努力，Rika提醒姊妹喺歐國盃期間，最緊要留意皮膚保濕：「記得要敷多啲Mask，否則個樣好易殘！」佢又提男仔一樣要護膚，呢個責任就落喺女仔身上：「大家可以同男友做Facial，順便幫佢按吓頭、揼吓骨，替佢消除疲勞！」咁體貼又小鳥依人，男友點會唔錫晒吖！

Rika話女人都要對自己好，因為要人愛自己，首先要自己愛自己吖嘛！睇咗十幾日波，都係時間要抽離一下：「吊頸都要透吓氣啦！應該抽一日出嚟，放開懷抱Shopping一番，或者約班好朋友出嚟大吃大喝同埋Clubbing，叉足電再睇波！」

有機一齊睇波

Rika溫柔又體貼，如果你都Buy，就即刻Download由《東方日報》及《太陽報》為歐國盃推出嘅「歐國波Something」App，喺App入面嘅「歐國妹Polling」中Like一Like佢，仲有機會喺觀塘apm同Rika一齊睇歐國盃決賽添！

想同娜姐一齊睇決賽？快啲玩歐國妹Polling投票喇！

名額100名：

每位勝出者可攜同一名親友出席2012年7月2日凌晨舉行之「我和女神終極決賽約會@apm」活動，與索模近距離睇歐國盃決賽。

遊戲日期：

2012年6月1日至6月25日

參加者可於活動期間透過http://football.hkjc.com及「歐國波Something」App，參加歐國妹Polling，為各位歐國妹打氣。參加者每日可進入以上兩個平台各打氣一次。此外，每場球賽開始後的指定時間內，可再進行多一次打氣動作。打氣次數最多及最快的100名參加者，便可出席「我和女神終極決賽約會」活動。

得獎名單：

得獎名單將於2012年6月25日於「歐國波Something」App公布，所有得獎者於2012年6月26日至29日期間獲個別通知。