任達華傷面 琦琦訂法國菜氹番
忙於拍戲的任達華，昨日飛上海出席電影節開幕，未知今日能否與家人同度父親節。而太太琦琦昨日在微博透露老公在拍戲時擦傷了面，令她十分擔心，亦不忘祝父親節快樂。記者致電琦琦，她表示華哥沒有大礙，老公傷後即時向她報告：「我見到佢時，塊面有啲紅腫，佢受傷後即時Send咗相畀我，用冰敷緊塊面，雖然擔心，但冇乜嘢，拍戲成日都會受傷。」
另外，琦琦前晚出席攝影展時透露，父親節已有兩手準備：「我訂咗法國餐廳，如果佢唔使拍戲就一家人去食飯，如果要拍戲就打包返屋企畀佢。」她稱女兒任晴佳將送多份父親節禮物給華哥：「佢親手設計咗故事形式嘅圖案T恤、環保再造咕𠱸同親手種嘅盆栽。因為囡囡覺得爸爸賺錢辛苦，所以準備好多份禮物，分別喺唔同日子去送，依家要老公送一個假期出嚟慶祝。」
琦琦已在法國餐廳訂枱，準備與華哥慶祝父親節。
陳意涵拉着華哥傾偈，看來相當投契。