君如SMS俊男唔畀陳可辛知
吳君如昨日飛到上海宣傳新片，透露與言承旭等合作後有交換電話號碼，至今仍保持聯絡，更經常傳短訊問候互動。因近日余文樂捲入情慾短訊事件，君如即幽對方一默：「我梗係Keep住唔畀人睇啦！我同咁多俊男合作，電話仲要設埋密碼，一定唔畀陳可辛知道。」
談到有傳言承旭冷漠，但記者會上他笑稱君如為「小女孩」，君如亦「回敬」說：「佢比想像中玩得，有時仲會主動撩人傾偈。但記得有場戲，我哋要貼得好埋，排戲時發現佢好緊張，我就要用搞笑方式去融化佢囉！」因君如有工作在身，惟有安排囡囡隨陳可辛返泰國，與爺爺慶祝父親節。
