新加盟英皇唱片的歌手羅力威日前舉行生日會，吸引逾500名歌迷出席，大部分是歌唱比賽時已支持他，故他冧爆說：「非常多謝大家，好感恩你哋冇離開過！六月尾會推出個人專輯，今次絕對唔會再係一張空頭支票。」將於八月連開三場演唱會的他現正積極練琴，希望將最好表演送給歌迷。活動上除了玩遊戲外，羅力威一口氣獻唱多首歌曲包括新歌《全職宅男》，粉絲一同合唱。歌迷會特意準備生日蛋糕，預祝他成為樂壇新人王。問到生日願望？他希望唱片、演唱會及電影大賣，並向全能唱作人之路進軍。
羅力威獲逾500名歌迷賀生日，場面墟冚。
歌迷送上漢堡包形蛋糕餵飽羅力威！
