前妻譜姊弟情志偉讚好
曾志偉和張學友前晚拉大隊捧柯受良（小黑）之子柯有倫（前名柯有綸）新片香港首映，志偉說：「小黑過身前，我應承睇住佢個仔。（藝人前妻王美華戀上年輕12年嘅汪建民？）曾寶儀（女兒）問我反應，我話幾好，咁嘅年紀仲有小朋友鍾意，但我都唔知係咪真，係真佢會同個女講。」
學友則自嘲「過氣天王」：「完成咗演唱會，暑假留喺香港，兩個女見唔到我會掛住我，到我喺屋企，佢哋又掛住睇電視。」柯有倫被問會否請曾傳緋聞的陳妍希睇新片，他說：「唔知佢睇咗未，我有睇佢嘅戲，我諗佢都會支持我。」眼見許多Uncle撐場，他感動到躲在布景板後落淚！
學友（左起）、苗僑偉和志偉（右一）撐柯有倫新片首映。