伊健結婚等埋基仔
鄭伊健、蔡卓妍（阿Sa）、鄭欣宜及徐正曦等，昨日出席寰宇新片《我老婆唔夠秤2之我老公唔生性》飯局，伊健例牌否認婚訊，但在記者追問下終衝口而出說：「世界末日前啦！（12月？）冇話今年一定係末日喎！（梁詠琪祝福你？）係真先再恭喜啦！」對於好兄弟古巨基想他趁開騷公布婚訊，他說：「我等佢先，但佢都冇女朋友！」全場即噓聲四起！有記者打趣着阿Sa爬伊健頭公布喜訊，她笑說：「唔係呀嘛？啱啱先咩……咁快又咩？」與伊健相隔10年再合作的她，突然眼紅紅說：「有場戲講我求佢唔好離開我，排戲時大家已經聲淚俱下，好似經歷咗一啲事咁。」至於欣宜則自爆赴會前拉爆拉鏈，僅靠幾個扣針固定服飾。
伊健下廚，阿Sa等食，默契十足！
欣宜餵徐正曦時一臉驚青。