閂門唔傾合作 無綫反斥環球封殺

無綫非戲劇製作總監余詠珊昨日出席活動時，直認與環球進展不順利，並力撐無綫要唱片公司簽備忘錄並非專橫：「有冇佢哋，我哋都會認真做音樂，如果唔想同無綫做朋友，好遺憾，我哋唔會主動再傾，依家閂埋門喇！」她在電話訪問中補充，所有歌手都要簽備忘錄，但備忘錄並無法律約束力，歌手仍可自由上其他電視台。她強調沒有封殺任何唱片公司：「環球將問題複雜化，為難無綫，依家係環球封殺無綫。」又指環球不會有歌手出席《紅白》。對於余詠珊的指摘，環球董事總經理黃劍濤說：「佢鍾意點講就點講，唔回應！」並重申無綫要求全權擁有歌手為其演出的版權條款是不能接受：「大家立場唔同，無綫有播放權，但播放之後個版權點做同點用，一定要傾先得！」

此外，余詠珊表示無綫下周六（23日）將獨家轉播韓國KBS電視台在亞洲博覽館舉行的音樂會，明年亦會炮製多個歌星特輯，包括李克勤與容祖兒、林峯與鄭嘉穎，以及台灣「舞王」羅志祥等。