黃智雯迷戀音樂劇
無綫小花黃智雯（Mandy）雖然劇集一部接一部，忙得不可開交，但也會爭取時間小休充電。Mandy笑指拍劇令整個人拉得很緊，所以放鬆下來時，定必做些最愛的事享受一番。
Mandy曾修讀演藝音樂劇課程，對音樂劇情有獨鍾，故每逢到外地旅行，定必第一時間搜尋當地有否音樂劇公演：「真係好鍾意音樂劇，睇完會成個人放鬆晒，又會勾番起以前喺演藝嗰時嘅甜酸苦辣回憶，所以都好希望第時有機會演番齣音樂劇。」
而向來喜愛小動物的Mandy，除對家中愛犬錫到燶外，連親戚的愛犬也相當疼錫，只要一有時間便會探訪及全程攬實牠，不捨得放手：「我覺得佢好似棉花糖，好可愛，所以一見面就攬到實，冬天仲可以取暖添！」而食絕對是Mandy至愛排行榜的首位，她坦言遇上任何煩惱或不如意事，只要吃些甜點，便足以令她的快樂指數回升。
黃智雯非常留意有甚麼新音樂劇上演。
愛犬如命的黃智雯攬着狗狗唔肯放手。