古巨基昨日以「奧比斯領航先鋒」身份出席活動，患有散光的他被取笑是「老花」，他否認：「未到呢個階段！」問到會否效法老闆楊受成捐500萬元給大會？他笑笑口說：「唔可以捐得多過老闆，其實一路都有定期捐錢。」
提到好友容祖兒於本月16日32歲生日，記者提議送保母車，基仔說：「車唔到我送，有更合適人選。」對於now計劃舉行音樂頒獎禮，他說：「依家出席頒獎禮嘅心態唔同以前，會睇有冇時間出席。（因為欠公信力？）係自己老咗！（錢緊要過獎？）唔好咁講，以工作為先！」
基仔出席奧比斯活動，推廣慈善。
