蔡穎恩做無間道睇實關楚耀

關楚耀與姜文杰合作新劇，姜文杰坦言二人樣貌相似，他曾於買廁紙時被售貨員認錯是關楚耀！另外，同劇演員蔡穎恩指受關楚耀女友吩咐，在拍攝現場做無間道(目及)實他。

蔡穎恩、關楚耀、陳柏宇、姜文杰、姜麗文及應昌佑，日前為王維基旗下的城市電訊開拍新劇《童話戀曲201314》開工。關楚耀與姜文杰長得十分相似，姜文杰更展示手機中二人的合照，認真令人難以分辨！他說：「我之前去買廁紙，個售貨員話認得我，我哋傾咗好耐，原來佢以為我係關楚耀！」在旁的關楚耀說：「好彩你唔係去買其他嘢咋！」

劇中關楚耀跟蔡穎恩飾演一對，問到同劇美女如雲，女友有否(目及)實？在旁的蔡穎恩大爆：「其實我識佢女朋友，佢吩咐我做無間道！」同時亦為他講盡好話：「佢唔使埋位就一個人，會做健身同掌上壓，品行合格。」

陳柏宇嫌女友阻碇

同劇另外一對情侶則是陳柏宇跟姜麗文，陳柏宇未埋位時拿即影即有相機跟她自拍，問到會否擔心女友呷醋？陳柏宇說：「啲自拍相係喺部劇用，講我暗戀咗佢好耐。」並坦言女友會過問他會否跟其他女生有親熱戲：「佢都有話過嚟現場，但其實佢明白事理嘅，只不過係嚟睇吓我拍嘢，不過我都叫佢唔好喇，咪阻住進度啦！」