2011年香港先生「最具演藝潛能大獎」得主黃建東（Derek），上月到日本旅行度假時經歷六級地震，他說：「當時我喺餐廳食緊飯，以為隔籬位食客搖張枱，後來睇到天花板盞吊燈係咁搖，我先意識到係地震，當時完全唔識反應，返到酒店睇電視至知原來係六級地震！日本人遇到地震都唔會驚到亂晒陣腳，佢哋喺3．11地震後已重新振作。我仲去咗淺草雷門觀音寺求籤、吸香氣，希望可以被公司揀中拍劇，事業有突破外，亦都祈求少啲天災！」
黃建東到淺草雷門觀音寺吸「香」氣，祈求世界和平。
