李克勤唔抽水派定心丸

歐國盃於周六凌晨揭幕，now與合作聯播其中四場賽事的無綫一直就畫面互換而拉鋸，無綫擔心now「抽水」賣廣告，但克勤昨日向無綫大派定心丸，聲稱他只會以波論波。

足球界盛事歐洲國家盃將於周六凌晨揭幕，now和無綫今晚起將播出相關節目，兩台曾對外聲稱將有Crossover畫面互換之創舉，但無綫一直擔心now的畫面出現在無綫頻道時，會發生廣告「抽水」的情況，並有可能違反通訊事務管理局之《電視廣告守則》而遭到罰款。

無綫高層余詠珊昨日表示很有誠意合作，有可能要now台主持簽訂協議，聲明不能賣廣告：「因為節目係直播，我哋真係要好小心處理！」

而now體育台副總裁賴汝正昨日回覆本報時表示，傍晚時分已獲無綫口頭同意：「我哋絕對係以波論波，並無『抽水』成分，所以我哋正作出技術上配合，目前已開始進行訊號安裝，希望可以趕及明晚（今晚）喺節目中進行Crossover畫面，如果趕唔切，會喺遲一日或稍後兩場賽事中進行。」

而李克勤昨日在電話中向無綫大派定心丸：「我都做過主持，Handle到嘅！一切都以球賽為主，說話方面絕對唔會刻意講以外嘅嘢！今次兩台有咁嘅合作，球迷當然開心亦有得着，我又可以向『叻神』（陳百祥）學嘢！」

黃婉曼食檸檬

另外，黃婉曼昨日出席「now TV X apm足球藝術館揭幕活動」時透露，早前到烏克蘭拍攝眼見當地甚少華人，便開玩笑問球員會否鍾意她（意指亞洲女性），但烏克蘭國腳古斯夫一口拒絕，表示已經有穩定的女朋友，令黃婉曼慘食檸檬。

黃婉曼又透露大玩刺激運動：「本身要玩笨豬跳，但太驚放棄咗覺得好內疚，第二日跳傘就被人推出去，仲要喺鏡頭前笑同派飛吻，好彩強忍之下嘅效果都好好。」黃婉曼今次未有在歐國盃做評述，但透露會為下屆世界盃做準備，希望屆時再為大家講波。