富商被爆有家室 碩之無辜變小三

趙碩之（Wylie）早前被拍得與富商Danny在夜店攬啜，令新戀情曝光，昨日卻有指Danny原來是有婦之夫。成了「小三」的Wylie對此大感失望，並自責沒了解清楚，坦言已將對方「降級」為朋友，待對方弄清婚姻關係才再作打算！

趙碩之（Wylie）早前被本報拍得與從事珠寶鐘錶生意的三十多歲富商Danny在夜店攬啜舌戰，Wylie亦大方承認戀情，與對方已交往數個月！怎料，這段戀情卻「見光死」，昨日有消息指Danny有老婆之餘，還有仔有女！

對於被指是「小三」，Wylie昨日接受電話訪問時說：「『小三』係一個破壞別人婚姻嘅女人，我識佢時，大家只係朋友，所以唔會去細問佢嘅婚姻狀況，之後我哋感情慢慢發展，亦知佢有個七歲嘅小朋友，因為佢冇特別講，我咪覺得佢已經搞掂咗之前段婚姻關係，點知上個月，你哋影到我同佢拍拖，有朋友睇咗就提我佢好似未搞掂之前嘅婚姻關係，咁我咪第一時間問番佢，佢同我講同太太分居咗四年。」

「降級」朋友

在不知情的情況下成了「小三」，Wylie坦言得知對方未辦妥離婚已將對方「降級」：「我唔想畀人話『小三』，我父母聽到呢個消息都好唔開心，所以我同佢依家嘅關係只係朋友，等佢解決咗複雜嘅婚姻關係先再作打算。（有冇覺得被騙？）唔覺，係我之前冇問清楚！」