黎耀祥笑唐詩詠殘
「視帝」黎耀祥昨日與唐詩詠等為新劇出席拜神儀式，二人雖然年紀相差一截卻飾演青梅竹馬的一對，問到祥仔會否覺得女拍檔年輕化？他說：「我Keep得好，佢哋殘得快！」隨即表示講笑的他又指公司演員不多，故任何配搭也會嘗試：「監製添哥（李添勝）都唔會夾硬將我哋湊埋一齊，初頭詩詠都要化老妝遷就我！」而詩詠除演患有精神病的角色，更要一人分飾母女：「劇中我要畀好多人打，好苦呀！不過係一個好有挑戰性嘅角色。」祥仔亦認為角色難演：「我覺得啲角色變化好極端，希望出街會畀觀眾有唔同感覺！不過又未至於好似《天與地》咁難明！」
