法拉唱現場4 Take過關
無綫花旦陳法拉前晚大露背錄影《勁歌金曲》，首度以歌手身份上台唱Live，搶去同場歌手陳偉霆（William）、衞蘭及王梓軒風頭！由於演繹廣東歌及有高音部分，頭兩次因甩嘴及唱不到高音位而需重錄，雖然第3次勉強過關，但其唱片公司高層希望力求完美而要求再多錄一次，第4 Take才收貨！事後她說：「我有啲緊張，同埋太投入，啲眼淚就標出嚟！」問到知否其「妯娌」諸葛紫岐都會出碟？她說：「冇聽講！（打對台？）希望良性競爭！」至於William表示新歌MV本來着得「幾少布」：「因為畀之前新聞搞一搞，所以要Cut晒個造型，都幾可惜！」
另一邊廂，諸葛紫岐昨日出席開幕活動，自爆曾被工人打斧頭：「最後主席（老公）炒咗佢！」她自嘲數字白癡，反而老公是精明師奶。問到造人大計？她表示忙為HotCha做形象，至於會否幫法拉？她說：「講番HotCha啦！」
陳法拉大露背上陣，令人眼前一亮！
諸葛紫岐自認數字白癡，曾遭工人打斧頭。
衞蘭積極準備個唱，消瘦不少！
王梓軒唔認與薛家燕女兒拍拖。