周秀娜女神19式受埋你玩

本身已經熱到爆燈，但「歐國波Something」App仲嫌未夠Hot，即日起有埋ANDROID版本畀大家下載，真係邊個夠佢玩！明日再配合由周秀娜領軍嘅「女神19式」，以及激正「即時戰報」終極上App，大家唔好一窩蜂Download呀！Down Server盞冇癮o架咋！

「歐國波Something」App本來只有iPhone版本，一推出已經大受歡迎，去到邊都見到型男索女喪玩。歐國盃將於周六凌晨零時正式開幕，為配合開波勁勢，依家仲精益求精有埋ANDROID版本，ANDROID用家唔使望到頸都長喇！依家受埋你玩喇！安落晒啦！

率領師妹談情講波

香港人要求出名高，而且貪新忘舊，熱潮嚟得快去得仲快，「歐國波Something」點會唔知呢個道理呢！所以開波前夕嚟個「極限升級」，明日起推出重量級環節「女神19式」！冇錯，「女神」呢個名唔係個個孭得起，但周秀娜又點睇先？娜姐今次將擔大旗，話畀你聽睇波都可以增進男女感情，帶領Jeana、Hailey C.、Hidy同Annie G.等索爆師妹談情講波，盡騷高招，教你點夾實男友，真係睇得又打得！

文字直播緊貼戰況

話明係歐國盃App，齋夠娛樂性又點企得住腳？為配合大賽開幕，激正「即場戰報」將強勢登場。喺呢度你不單可以搵到各場大戰開場陣容，仲可以睇埋即時文字直播，賽後更有球員評分，以及一眾星級名家過癮、精辟點評，就算出咗街睇唔到直播，所有賽事都盡在你掌握。而資料庫亦好堅，落齊各類有用投注資訊，既詳細又Update，絕對係投注好幫手。

想同娜姐一齊睇決賽？快啲玩歐國妹Polling投票喇！

名額100名：每位勝出者可攜同一名親友出席2012年7月2日凌晨舉行之「我和女神終極決賽約會」活動，與眾索模近距離睇歐國盃決賽。

遊戲日期：2012年6月1日至6月25日

參加者可於活動期間透過http://football.hkjc.com及iPhone App「歐國波Something」，參加歐國妹Polling，為各位歐國妹打氣。參加者每日可進入以上兩個平台各打氣一次。此外，每場球賽開始後的指定時間內，可再進行多一次打氣動作。打氣次數最多及最快的100名參加者，便可出席「我和女神終極決賽約會」活動。

得獎名單：得獎名單將於2012年6月25日於「歐國波Something」App公布，所有得獎者於2012年6月26日至29日期間獲個別通知。