陳爽法國訂婚明年嫁
無綫女藝人陳爽傳婚訊，將於明年1月下嫁金融界才俊男友，她表示拍拖一年多便結婚，全因找到Mr. Right，而她與男友早前已在法國訂婚。
無綫女藝人陳爽決定與拍拖一年多的金融界才俊男友Anthony Leung拉埋天窗，婚期定於明年1月，並將假香港四季酒店宴請親朋，陳爽表示與男友拍拖年多便決定結婚，並非急於生小朋友，而是找到了Mr. Right。
盼兼顧事業家庭
陳爽說起男友求婚經過，依然甜到漏：「男友4月同我去法國旅行，佢喺我冇心理準備下突然求婚，雖然我哋拍拖唔算好耐，只係一年多，但男友一直以嚟都好支持我，尤其喺我初初轉職航空公司初期，佢畀好大鼓勵我，令我覺得佢可以付託終身，但我哋工作都好忙，所以喺法國訂咗婚，明年至喺香港擺酒。（計劃幾時造人？）暫時唔使咁急計劃住，男友畀好大自由我發展自己有興趣嘅事業，我希望將來喺家庭、航空公司工作同幕前演出三方面都兼顧到啦！」
Anthony早前與陳爽到法國旅行時突然求婚。
陳爽希望婚後能兼顧家庭及航空公司的工作。（資料圖片）