黃婉曼鼻直面尖 賴歐遊

過氣「天氣女神」黃婉曼昨日擔任活動司儀，突變「刀削面」兼「間尺鼻」，疑似大執！難得她亦坦承見過醫生，但力撐靚樣全靠自己「日子有功」！

黃婉曼（Icy）昨日為now芒果台《操控音樂》記者會擔任司儀，同場還有曾遭無綫封殺的四大唱片公司歌手李克勤、連詩雅、孫耀威及Mr.等，不過眾歌手都不及突然「變臉」的Icy搶鏡！

對於鼻樑突變高挺，下巴V到拮親人，Icy否認秘密整容：「當然冇啦！我做彩光時問過醫生，佢話我個鼻冇需要整，面形瘦係我大學時開始做瘦面機，又用辣椒膏推面！」記者指她近日才突然面尖，她繼續死撐：「可能我去咗歐洲成個月瘦咗，我都冇胃口食飯！我係咪好叻呀？」她堅稱不會整容，因為很怕痛。

克勤以波論樂壇

另外，now及湖南衞視明年將舉辦音樂頒獎禮，問到克勤會否出席？他以足球揶揄現今樂壇：「歌手只係球員，比賽陣容、出場機會都靠領隊高層畀通知！（驚得罪無綫？）唔會啩！唔知今年有冇份踢《勁歌》，冇咪睇囉！」至於日前爆出慾照的連詩雅，昨日復工時稱心情已平復，對於被指連19男，會否介意被指濫交？她未有直接否認：「嗰啲男仔都係朋友，我唔想再回應喇！」