林嘉欣唔上身:法庭見

林嘉欣母親盛傳捲入與契女賈辰穎的錢債糾紛,涉及約40萬加元!林嘉欣自言不牽涉事件,堅拒負責。

近日有傳定居加拿大的林嘉欣媽咪與契女賈辰穎發生錢債糾紛,事件驚動溫哥華警方致母女情不再。在港湊女的嘉欣昨日否認傳聞,並稱有為此事聯絡母親:「咁梗係會唔開心,就好似判咗佢死刑咁。我有聽過賈媽媽同媽咪嘅版本,當然佢哋有自己角度,我都唔會100%信晒媽咪,惟有叫媽咪下次小心啲。(賈家已報警!)應該唔能夠刑事起訴,因為錢銀係雙方私下協議。」

獲贈名牌環保袋

嘉欣透露賈母為求取回該筆款項,一個月前開始每周來電,而每次均勞氣地表示若不為其母還錢,將向外大量發放消息。不過,嘉欣自言未有牽涉事件,故堅決不妥協:「如果真係要告上法庭,就法庭見!」問到與賈辰穎的關係,嘉欣坦言私下從未聯絡,只是有次媽咪帶對方到她家中見面:「就係網上張相。(話送過名牌袋畀你?)就係嗰次送咗個名牌環保袋,我話唔要,但對方話係見面禮。我都冇用過,畀番佢囉!環保袋屋企大把!」

影視組

林嘉欣否認與母親關係決裂。(資料圖片)