周秀娜「大」Avis搵第二個生仔
同是5月壽星的周秀娜與男友陳偉成（Avis），前晚與好友在中環一間餐廳補祝生日，同場還有曾與娜姐傳緋聞的電影監製黃永峰（Charlie）及藝人林子善等。滿場飛的娜姐在男友跟友人拍照時攝位扮鬼臉，更與Avis跟小女孩玩耍，眾人於晚上12時半離開。問到Avis是否想生小朋友？他說：「我不嬲都鍾意小朋友。（結婚生番個？）遲啲一定會嘅。」但記者要求他與娜姐錫錫，他倆未有理會。問到有否生BB計劃？娜姐說：「生小朋友係人生階段之一。（怕唔怕似男友？）唔怕，做Daddy嗰個係咪佢都未知。」其後他倆齊齊返回西環寓所。事後Avis接受本報電話訪問時說：「當晚係Charlie吹雞叫人幫我同娜姐補祝生日。（有冇咀嘴求婚？）未咁快，成日都咀，唔使現場咀啦！」
娜姐跟Avis大方合照，但不肯咀嘴。
被Charlie（左）和Avis（右）夾實，一個「嬲」字似乎令娜姐相當頭痕！
充滿父愛的Avis（右）逗得小女孩哈哈大笑。