經濟有壓力住番二百呎屋仔都得
太太歐倩怡同我結婚之後淡出幕前，主力相父教子做賢妻良母，我就如常喺娛樂圈拚搏。有人話養大一個細路要四百萬元，兩個就八百萬元，問我有冇壓力？以一般家庭嚟講，太太冇工作，丈夫一定有壓力！但係每個丈夫返到屋企係唔會話唔掂要死嘞！無論咩事點都會話得！我慶幸未到「捱唔住」嘅日子，但我會居安思危，知道上得去預咗要落得嚟，要未雨綢繆。我都諗過如果有咩事，可唔可以搬番去二、三百呎嘅屋、一家人逼晒一齊呢？其實冇話唔得o架！當然唔希望呢個時候有咩變化，最少都供到啲仔女完成大學先啦！雖然有唔少內地登台同剪綵廣告邀請我出席，但現階段我希望多啲時間陪一對寶貝仔女，所以都會推！