翟威廉生日派對「契爺」劉定成埋單
被揭與同志富商劉定成開Party的前港男翟威廉，前日否認是劉定成的秘密契仔，但其好友前亞洲先生梁皓楷昨日接受查小欣訪問時，卻踢爆翟威廉稱呼劉定成做「契爺」！梁皓楷說：「佢介紹劉定成畀我識時係叫契爺，但冇解釋佢哋嘅關係。」他還指翟威廉年前舉行的生日派對，亦由劉定成埋單，但他相信翟威廉沒有影裸照，亦沒有介紹他拍攝。
記者昨日致電翟威廉，他為「契爺」稱呼解畫：「我哋個個都叫佢（劉定成）做契爺，我冇同佢上契，亦冇奇怪關係。」他承認劉定成曾為他埋單，而他亦有請過對方吃飯，並強調從未指劉定成罪有應得：「我唔會落井下石！」
翟威廉承認叫劉定成做「契爺」，但二人從未上契。