鍾一憲見密友家長 歎殘廢餐

趙碩之師弟鍾一憲性向成疑，被指「斷背」的他不時與李姓同居密友出雙入對。日前，他又與密友往尖沙咀晚膳，同場還有對方家人，猶如見家長，密友更服侍周到！

身材出眾的趙碩之早前被本報踢爆狠撇窮男友，撻着經營珠寶鐘錶店的富商，其師弟鍾一憲（Jason）亦不時與任職空中少爺的李姓同居密友出雙入對。入行以來性向成疑、一直傳「斷背」的Jason，雖然被多次拍得與密友「行埋」，兩人更同居於沙田，關係非比尋常，但他仍一直否認與空少拍拖，只承認同居關係，還堅決表示不會因緋聞而分居。

日前晚上，Jason再與李姓密友孖住外出，並雙雙往尖沙咀歎韓燒，密友的家人也在場，猶如見家長！現場所見，席上李姓密友對Jason呵護備至，當見到他只顧低頭玩手機時，即燒定食物兼盛好湯送到Jason面前，還催促趁熱吃，十分細心！一行人最終逗留約兩小時便埋單離開。

遇記者極速彈開

當與密友並肩步出門口時，Jason甫見記者即一臉愕然，更各自極速彈開閃避鏡頭。當記者上前追問是否見家長時，Jason說：「兩位長輩係朋友嘅家長，都係朋友食飯啫！大家嘅屋企人識咗好耐o架喇！」密友則與親友匆匆走人。其後，Jason被追問會否效法黃耀明般「出櫃」，他一臉尷尬反問：「咩……出櫃？」當記者解釋是承認同性戀時，Jason即口啞啞，最後才細細聲說：「其實我……我都唔係同性戀。」說畢便急急腳乘車離開。