靚靚爆魔童怕飛上海

影后袁詠儀（靚靚）昨日接受DJ陳海琪訪問，她透露下月會帶兒子魔童到上海旅行兼探老公張智霖，不過兒子卻耍手擰頭，她說：「佢第一次去上海嘅時候患腸胃炎，所以一聽到去上海就有啲驚。不過都會照去，因為順便探爸爸，呢個暑假我哋都要開戲。」她指已為兒子安排暑期班，即使她北上拍劇，魔童都會忙到分身不暇，故不擔心他寂寞，談到新劇酬勞豐厚，她笑說：「劇本加分喇！啲錢慢慢使都應該有排使！」

袁詠儀表示已經為兒子魔童安排暑期班。