翟威廉Happy照曝光樂小姐照肺

前港男冠軍翟威廉、「巨聲幫」吳業坤、羅孝勇與陳國峰等被爆曾與富商劉定成出席派對，原定昨日出席《戀愛季節》記者會的翟威廉，即告「No Show」！無綫外事部副總監曾醒明解釋他因要見製作資源部總監樂易玲才缺席，而樂小姐先後跟翟、羅孝勇及吳業坤了解事件，並向翟作出嚴重告誡：「告誡佢以後要重視形象！」曾醒明又指整件事與「巨聲幫」無關：「翟威廉話啲相係兩年前（影），嗰陣佢啱啱當選香港先生，Hanson（劉定成契仔）同佢係波友，所以幫佢搞祝捷派對，唔明點解啲相兩年後先流出，佢都好無奈！近年已甚少見Hanson同劉定成。」

翟威廉事後亦接受本報電話訪問，揚言不欲多談事件：「呢個時期都係低調啲好，我唔想多解釋，根本唔係事實。當然我有唔開心，呢件事對我傷害好大，因為唔單止影響我，係影響埋成個幫我嘅團隊。」他昨日接受電台訪問亦否認影裸照：「我冇影過，亦冇人邀請。」

至於吳業坤亦承認派對上有人介紹劉定成給他認識，但沒有邀他拍任何照片：「我咁嘅身材點影呀？」並透露劉定成沒有邀試鏡，強調自己愛女生；曾助查的羅仲謙則表示現階段不便說太多，又指不知劉定成已被判罪。