港姐殘酷新制連環「淘」殺

為刺激收視及口碑，今年香港小姐競選將倣效美國熱爆真人騷《生還者》，以「即時死亡」手法連環淘汰佳麗，佳麗隨時面臨「執包袱」危機，十分刺激！

向來標榜「智慧與美貌並重」的香港小姐，今屆竟增加「捱得嚇得」新指標？其實是因為港姐前後共舉辦了40屆，加上收視、口碑每況愈下，為拯救曾被視為無綫王牌節目，新接手擔任大會統籌的余詠珊決定向美國熱爆真人騷《生還者》及《全美超模新秀大賽》借鏡，以「即時死亡」手法淘汰佳麗，考驗一班佳麗抵受壓力的能耐！

據知，「即時死亡」淘汰賽共分三階段進行，分別是首個傳媒見面會、香港機場及倫敦！大會會根據各佳麗在各個考驗環節中的表現，先後淘汰10名、4名及2名佳麗，意味着即使佳麗能順利飛往倫敦拍外景，亦不代表能「坐定粒六」進身決賽，更隨時遭大會連人帶行李由倫敦「遣返」香港，認真慘情。對於新賽制被指有《生還者》影子，余詠珊即否認：「我哋唔會肉酸啲佳麗，千祈唔好嚇走啲女仔，今屆質素幾好o架！」她透露現時仍構思會以甚麼環節淘汰佳麗，最終有多少名佳麗進身決賽亦有待決定：「初初構思12個，但若果質素真係咁好嘅，14個入晒都OK。」

高海寧贊成讚好玩

根據資料顯示，2006年與2008年兩屆亦曾採取淘汰制，其中身為2008年淘汰賽「生還者」的高海寧，不但不覺得新賽制殘忍，更對當年表現大感滿意：「當時林敏驄當眾問我攞電話，我答佢話要問番TVB，之後啲人激讚我。其實新賽制幾好玩，可以慢慢睇到佳麗嘅成長，最好拍埋佢哋人前人後嘅片段，仲好睇！」

與高海寧同屆的馬賽亦異口同聲認為新賽制有助收視：「只要啲女仔參加比賽唔好咁大壓力就得。」而2005年港姐冠軍葉翠翠則認為改革是好事，能帶給觀眾新鮮感；至於應屆冠軍朱晨麗亦認為新賽制很有趣：「可以睇到啲女仔點樣由普通人變成港姐。」